Në ambjentet e Kryesisë së Kuvendit siç nuk është e zakontë, sot u mblodh Grupi Parlamentar i PS-së. Nën motivin për të nënshkruar marrëveshjen e bashkëpunimit mes Partisë, qeverisë dhe Grupit Parlamentar, socialistët e pranishëm nxorrën në pah edhe problematika të tjera.
Deputeti i Shkodrës Paulin Stërkaj dha sqarimet e tij në lidhje me prishjen e shtëpisë së Prek Calit, duke hedhur akuza dhe në drejtim të Tom Doshit, sigurisht pa përmendur emra. Sipas Stërkajt disa biznesmenë kërkojnë që të shfrytëzojnë këtë zonë për të ndërtuar biznese.
‘’Na del një deputet aty dhe na thotë që do ndërtojë shtëpinë jo dy katëshe, po tre katëshe, është grup interesash”, u shpreh Stërkaj.
Ai ngriti një tjetër shqetësim, gjobat që iu vihen makinave të tyre kur dalin nga Parlamenti dhe këtu situata duket se u bë qesharake.
‘’Kisha dhe një problem tjetër, unë i përshëndes reformat, po nuk kemi kushtet për të shkuar normalisht në Parlament, shkojmë në Parlament dhe kur dalim marrim gjobën, le të jetë me pagesë parkingu, këtë kërkesë e kam çuar dhe në kryesi, ministrat sigurojnë makinat, ne të tjerët marrim gjobat. Ka filluar me Xhafajn, pastaj me Tahirin”, u shpreh Strëkaj.
Po nuk vonoi as ndërhyrja e kryeministrit Rama që tha se do bënte mirë që ai dhe Stërkaj ta bënin rrugën bashkë në këmbë.
‘’Është ndërhyrje me vend, ajde e bëjmë bashkë në këmbë Paulin, për aq kohë sa s’ka mundësi parkimi gjobat janë njësoj për të gjithë. Marr flamurin i pari për ta çarë rrugën e Parlamentit me këmbë në dorë”, u shpreh Rama.
Ndërkaq në mes të bisedës hyn Balla dhe shpreh nismën që ka marrë në bashkëpunim me Veliajn për ta ndrequr këtë problematikë.
(E.K/SHUPLAKA)
VIDEO E MOMENTIT NGA MINUTA 33:00 DERI NË FUND:
