Një histori e pazakontë është bërë publike së fundi në Florida. Një 19-vjeçar që arriti t’iu shpëtonte policëve që po e ndiqnin, i mori më pas ata në telefon për t’u ankuar.
Një oficer i kërkoi të riut që të hapte krahun por Nicholas Jones vendosi që t’ia mbathte me shpejtësi. Kështu nisi një ndjekje e shkurtër dhe më pas adoleshenti arriti që të kalonte 4 makina të tjera policie.
Pasi pa që policia s’po e bënte mirë punën, Jones bëri një telefonatë në numrin 911 për t’u ankuar.
Policia tashmë ka publikuar audio-regjistrimin ku i riu kritikon operatoren.
Ai dëgjohet të thotë:
Për çfarë ju paguajmë ne juve? Oficeri i policisë e ndezi sirenën dhe filloi të më ndiqte dhe teksa po më afrohej i rashë një herë rrotull dhe e lash pas…Me shumë siguri ai e mori dhe targën time por unë kalova 4 policë thjesht duke ecur me makinë vërdallë..çfarë bëni ju djema?
Gjithsesi, pasi Jones e mbylli telefonin policët vendosën t’i tregonin që dinin ta bënin punën dhe shkuan e arrestuan ditën tjetër pasi përgjuan telefonatën.
Discussion about this post