Për herë të 29-të kampion, Bajerni i Mynihut në krye të Gjermanisë

Bajerni i Mynihut është shpallur për të 29-ën herë kampion i Gjermanisë.

Ky është titulli i parë për Robert Kovaç si trajner, që pavarësisht suksesit, mund të mos i jepet besim për sezonin e ardhshëm. Ky është dhe titulli i fundit për një brez lojtarësh që në Bavari janë shndërruar në legjenda, mbi të gjitha për dyshen Riberi-Roben, idhuj të tifozërisë bavareze.

Më herët Bajerni mposhti në “Allianz Arena” 5-1 Ajntrahtin e Frankfurtit, duke e mbyllur sezonin me 78 pikë, 2 më shumë sesa Borusia që nga ana e saj mposhti “adashen” nga Gladbahu me rezultatin 2-0.