Përballje interesante ofron 14 maji në qytezën turistike të Belshit. Kryebashkiaku aktual Arif Tafani i cili rikandidon për një mandat të tretë, ka përballë ish drejtuesin e Partisë Demokratike në këtë qytet, por edhe drejtuesin e Njësisë Administrative Fierzë për tre mandate rrjesht Bedri Qypi. Belshi është një nga ato bashki ku qeveria ka investuar më shumë dhe ka fituar edhe grante nga të huajt, cka e vendos në pozita komode kryebashkiakun Tafani për të kërkuar një mandat të tretë për të vijuar projektet ambicioze që ka planifikuar. Teksa shprehet falenderues ndaj besimit të Kryeministrit Rama, Z. Tafani rendit për Fax News ndryshimet që ka pësuar Belshi, projektet për të ardhmen, si e sheh përballjen politike me kundërshtarin e tij , dhe fakti që qyteti I 85 liqeneve është bastion I së majtës.
“Unë do bëja një falenderim për kryeministrin jo vetëm për besimin për një mandat të tretë por edhe për vëmendjen dhe projektet e medhaja të realizuara në bashkinë e Belshit. Fshati që duket nuk do kallauz. Kam edhe mbështetjen për mandatin e tretë dhe kjo është arsyeja se pse unë pranova se nuk do i mungoje vemendja, projektet Belshit.
Duke kthyer kokën mbrapa, para 6 viteve, askush nuk e priste dhe nuk e besonte këtë transformim të Belshit. Në Belsh deri në vitin 2016 do vije vetëm për hallë, nuk behej fjalë për turizëm, rruga ishte traumatiuzuesve. Uji i pijshëm ishte një legjende urbane.”– tha ai ndër të tjera për gazetaren Entela Duka.
