Michel Fourniret, një nga vrasësit serialë më famëkeq të Francës, ka vdekur në një burg në spital.
I njohur si “Ogre of the Ardennes” nga media franceze, ai u dënua në vitin 2008 nën akuzat e përdhunimit të 7 vajzave të moshës midis 12-22 vjeç dhe më pas vrasjen e tyre. Vrasjet u regjistruan nga viti 1987 deri në 2001.
Sipas “Reuters”, 79-vjeçari ishte në burg për gati dy dekada dhe kishte rënë në koma për shkak të problemeve të zemrës dhe frymëmarrjes.
Ai ishte i dënuar me burgim të përjetshëm pasi kishte vrarë edhe shokun e një mafiozi. Gjatë qëndrimit në burg, krimineli ishte hetuar për disa çështje të tjera vrasjesh.
Fourniret kishte pranuar kur u arrestua në vitin 2003 se kishte përdhunuar një vajzë 13-vjeçare, e cila u arratis nga furgoni i tij dhe thirri policinë.
Mësohet se shumicën e krimeve ai e kreu në rajonin e pyllëzuar Ardennes të Francës veriore dhe në Belgjikë.
Në atë kohë, policia humbi një sërë mundësish për ta zënë në grackë dhe mësimet e nxjerra ndihmuan për të sjellë reforma në mënyrën se si policia Franceze heton vrasjet seriale.
Ish-gruaja dhe bashkëpunëtori i tij, Monique Olivier, ndodhen në burg. Bazuar në indikacionet e Olivier, policia franceze ka gërmuar në sipërfaqe të mëdha pyjore në Ardennes Franceze javët e fundit, duke kërkuar eshtrat e Estelle Mouzin, e cila u zhduk në 2003 në moshën 9 vjeç.
