Majlinda Bregu ka bërë një fjalim lamtumire në takimin e Shkollës Europiane Verore. Në krah të ambasadores së BE-së Romana Vlahutin, Bregu ka bërë një bilanc edhe të punës së saj në favor të integrimit të Shqipërisë.
Po ashtu ajo ka folur për zërat se do të ishte pjesë e qeverisë Rama 2, duke thënë se nuk i duhet post për të punuar në favor të integrimit të vendit.
“Ndërkohë që parlamenti po mbyll sesionin e ri unë po mbyll marrëdhëniet parlamentare me të.
Nga marsi i vitit 2007 deri në shtator 2013 mu besua detyra e lartë për nxitjen dhe koordinimin e përpjekjeve për afrimin e Shqipërisë dhe Europës. Investova në të çdo ditë të kalendarit të më shumë se gjatë viteve. Nuk dështova, gjithçka u bë sigurisht edhe falë të tjerëve që iu detyroj mirënjohjen time të sinqerttë. Nuk u ndjeva asnjëherë vetëm, dola nga kjo eksperiencë më e ditur, më e matur.
Në opozitë pavarësisht mungesës së forcës së pushtetit por me qartësinë e madhe. U mundova të kuptoja dhe pastaj të flisja se çfarë nuk shkon me stilin që brezi im po bënte politikë. Nuk jemi edukuar për të qenë të lirë dhe për ta respektuar lirinë.
Se ç’ndodhi në vijim e dinë të gjithë, unë pagova çmimin e respektit ndaj vetes. Thashë disa të vërteta. Sumë gazetarë më kanë pyetur për përfshirjen time në qeverinë e re, për procesin e Integrimit. Jam lodhur duke përgënjeshtruar lajme dhe sajesa gjatë këtyre viteve. Mua nuk më duhet që të jem në parlament për të qenë shqiptar. Tashmë e kam detyrim që kudo që jem të punoj për integrimin e Shqipërisë”, deklaroi Bregu.
(E.K/SHUPLAKA)
