Ka përfunduar takimi i disa deputetëve të opozitës parlamentare me ambasadoren amerikane Yuri Kim. Për mediat pas këtij takimi ka folur deputeti Muslim Murrizi i cili është shprehur se 39 deputetë të opozitës paralemntare nuk do e votojnë reformën zgjedhore nëse nuk përfshihet dhe ndryshimi i sistemit zgjedhor.
“Kërkojmë lista të hapura, në të kundërt votat tona në Kuvend s’janë për reformën. S’votojmë asgjë në Kuvend. Administratë zgjedhore, lista të hapura, votë emigrantësh. Se lamë në fakt ambasadoren të bënte kërkesa”, tha Murrizi.
“Ishte një takim miqësor me ambasadoren amerikane dhe ambasadorin Soreca dhe në emër të 3 grupeve parlamentare shprehëm qartë votën kundër pazarit të pistë që vijon prej shumë vitesh.
Asnjë lloj vote pazari të dosjes 184 të Petrit Vasilit dhe militantëve. Nuk votojmë të 39 deputetët asnjë shtesë tjetër.
Nuk e mora vesh se çfarë kërkoi ambasadorja pasi nuk i lamë hapësirë. I dhamë të kuptojë që nuk votojmë nëse nuk përfshihen: administratë zgjedhore, lista të hapura dhe vota të emigrantëve”, tha Murrizi pas takimit.
Tre përfaqësuesit e opozitës parlamentare u thirrën për takim ditën e sotme nga ambasadorja amerikane Yuri Kim pasi Muslim Murrizi reagoi mbrëmë vonë pas firmosjes së marrëveshjes për reformën zgjedhore nga 4 anëtarët e Këshillit Politik duke deklaruar votën kundër nga deputetët opozitarë.
Murrizi i quajti ‘4 eunukë të politikës shqiptare’ dhe e quajti këtë marrëveshje vazhdë të pazareve të pista në kurriz të qytetarëve shqiptarë.
Discussion about this post