Deklarata e ambasadorit Borchardt për ‘’2 Miliardë euro që nga kanabisi mund të kalojnë në politikë’’ u bë objekt i një debate të madh në media dhe jo vetëm. Vetë ambasadori u detyrua të bënte edhe përgënjeshtrim duke thënë se këto shifra i referoheshin vitit 2013.
Aspak e zakontë që një ambasador të bëjë deklaratë mbi deklaratën. Po për gazetaren Mimoza Koçiu ky është një presion i pastër i bërë nga qeveria Rama. Madje sipas saj kjo nuk është e paprecedentë për Ramës.
Duke iu referuar një tjetër rasti të 2010 dhe një tjetër përgënjeshtrimi të bërë në 2010 KOçiu sqaron si më poshtë:
Bernd Borchardt është i dyti ambasadori i OSCE në Shqipëri që detyrohet të tërheqë publikisht deklaratat e tij të cilat “prekin” Edi Ramën. I ka ndodhur edhe një ish kolegu të tij Robert Bosch, kur në kohën e çadrës së urisë i sugjeroi Ramës të reflektonte për veprimet e tij, pasi ato po dëmtonin procesin demokratik të vendit. (koha e vërtetoi)
Madje gojet e liga folën edhe për një telefonatë me fjalë jo etike të kreut të PS ndaj ambasadorit Bosch. Nuk e di se si ka ndodhur këtë herë kur z.Borchard deklaroi se 2 miliardë euro nga kanabisi mund të përdorën për të blerë zgjedhjet, por njelloj si në maj të 2010 deklarata e ambasadorit u korrigjua.
Protagonisti i “prekur” nga deklaratat është i njëjti, dje në opozitë e sot në pushtet. Ç’mund të bësh përveçse të qeshësh fort kur dëgjon nga këta protagonistë, se si opozita demokrate po i prish marrëdhëniet e Shqipërisë me ndërkombëtarët. Këta të fundit kanë një edukatë shumë të mirë: gjërat i hedhin e i ruajnë në letër!
P.S. Kur komunikimin-korrigjim të ambasadorit për mediat e shpërndan vetë Ministria e Brendshme pastaj, ngelesh pa fjalë, me pakujdesinë, të paktën për të mos u ekspozuar kaq hapur!
Discussion about this post