Kryeministri Edi Rama ka folur për përgjegjësinë morale që mund të ketë në lidhje me personat që kanë mbajtur poste të larta në qeveri, e sot gjenden pas hekurave apo nën hetim nga ana e SPAK.
Rama tha se ai nuk skuqet dhe as nuk kërkon falje për të gjithë ata që kanë bërë korrupsion, duke shfrytëzuar dhe keqpërdorur besimin që i është dhënë nga Partia Socialiste.
Kryeministri pretendoi se ai nuk ka ndërhyrë asnjëherë te ministrat për punësime politike, t5ë paligjshme apo për dhënie tenderash.
Rama tha se nuk i ka asnjë borxh, dikujt që akuzohet për korrupsion dhe përballet me akuza nga SPAK, e për këtë shkak e cilësoi të neveritshme shprehjen e thënë rëndom se ‘Rama i shet të vetët, apo Rama nuk i mban të vetët’.
Edi Rama: Shumë mund të thonë, ti zotrote nuk ke ndonjë përgjegjësi morale? Prandaj ma dëgjoni të gjithë shumë mirë këtë, dhe disa të tjerëve që qarkullojnë fjalën e neveritshme “Rama të lëshon, Rama nuk i mban të vetët”.
Përgjegjësia ime morale nuk është të skuqëm dhe të kërkoj ndjesë, pse dikush që i besoj një detyrë dhe e mbështes pa kursim, i merr mendjen pushteti dhe paraja, dhe tradhton jo vetëm besimin tuaj dhe tim, po tradhëton flamurin.
Nëse dikush përdor flamurin e PS për korrupsion, ne të tjerët nuk mund të përdoremi si bajga, jo. Jo jo. Unë jo që skam asn jë ndjenjë tjetër përveç neverisë, ikur dëgjoj jo se mbrojti. Jo po e lëshoi, këdo që ka ngrënë pas shpine, mua dhe këtë parti.
Borxhi që kam unë ndaj jush është mbi të gjitha besimi i plotë që ju kam dhënë, që të bëni sa mirë punën tuaj, që askush mos te ndihej kurrë vetëm kur e sulmojnë padrejtësisht për punët tona.
Borxhi im ndaj kësaj partie dhe atyre që na mbështesin është që mos t’iu lë kurrë ku vetëm kur na sulmojnë dhe nuk na mbështesin.
Discussion about this post