Zv.Kryeministrja Belinda Balluku mbajti fjalën e saj në takimin e përmbylljes së sezonit turistik së bashku me kerët e 61 bashkive në vend. Balluku u shpreh se rezultatet e këtij viti në turizëm nuk janë rastësi apo një gjë që erdhi me kohë.
Rezultatet janë fryt i një pune të madhe dhe të koordinuar. Shqipëria është vend i bekuar me natyrën e saj dhe së bashku me krahët e fortë për të punuar është arritur deri këtu.
Belinda Balluku: Shqipëria po vizitohet se sot ka infrastrukturë, sepse ka porte dhe aeroporte që funksionojnë më së miri. Sepse ka infrastrukturë hotelerie që nuk lë gjë për të dëshiruar. Kemi arritur këtu në sajë të një pune të përbashkët. Kemi arritur se kemi vënë një qëllim, ta kthejmë në një vend turistik, sepse Zoti ka qenë bujar me ne, na ka dhënë detin, malin, lumin. Na ka dhënë edhe lumin e fundit të egër në Europë. Na ka dhënë edhe krahë të fortë për të punuar.
