Kryeministri Edi Rama mbajti fjalën e tij në takimin përmbyllës të sezonit turistik. Arritjet e këtij viti në sektorin turistik për Ramën në asnjë mënyrë nuk duhet të jenë një burim krenarie pasi mund të kthehen në “boomerang”.
Kjo mund të vijë nëse nuk ka përgatitje siç duhet për vitin tjetër. Për shkak të zhurmës së madhe mediatike dhe globale për Shqipërinë, kërkesat e turistëve për vitin tjetër do të rriten prandaj çdo nënsektor i turizmit duhet të jetë gati.
Megjithatë, krahasimisht me të kaluarën, ndryshimet janë të mëdha.
Edi Rama: Punë këmbëngulëse e madhe. Është një arritje e cila në asnjë mënyrë nuk duhet të na japë një krenari të vërtetë. Është vetëm një stacion në rrugë dhe është e përpjetë. Rreziku që i gjithë ky lajm i madh dhe mirë të kthehet në bumerang në vitin në vijim është real. Mund të kthehet në bumerang nëse nuk jemi të përgatitur nëse nuk përballojmë një kërkesë që do të jetë më i madh. Impakti i pasqyrimit global dhe mediatik të kësaj surprize do të rrisë interesin dhe do të sjellë shumë më tepër kërkesë vitin tjetër. Pa diskutim kemi shumë arsye të jemi krenar për punën, të jemi të shpërblyer për përpjekjet, për të ngjitur shkallët nga një pikënisje jo fort inkurajuese. Kemi përpara nesh, ne mund të ndërtojmë një Shqipëri turistike që të shtrihet përgjatë 365 ditëve të vitit. Për ta bërë këtë duhet të jemi të vetëdijshëm se çfarë kemi arritur. Shtatori është mbyllur me 1.1 milionë turistë të huaj. Shumë më e lartë se e shtatorit të kaluar.
Discussion about this post