I ftuar në ‘Fax News’ kreu i LZHK-së Dashamir Shehi ka komentuar aktualitetin politik, por edhe situatën e rëndë me përmbytjet në qarkun e Shkodrës.
Shehi tha në ‘Fax News’ se situate e përmbytjeve është përgjegjësi në radhë të parë e qeverisë aktuale, e cila sipas tij jo vetëm që nuk ëka bërë asgjë për zgjidhje afatgjatë apo edhe afatmesme por del dhe bën propagandë ku ministra dalin “me kokore dhe çizme në zonat e përmbytura gjoja se sa shumë I duan ato banorë”.
“Në radhë të parë përgjegjësinë e ka kjo qeveri, qeveria është për të bërë një politikë seroze, ndërsa për 5 vjet me radhë kemi përmbytje, ndërsa këtë dalin e bëjnë propagandë..
Për të qenë të sinqertë kjo ka ndodhur edhe në kohën e qeverisë kaluar, që nuk është se shkëlqeu në këtë drejtim
Unë nuk shikoj që ka asnjë masë konkrete në këtë mes, as aftmesme as afatgjatë. Unë ia kam thënë publikisht që ne të bëjmë një hartë për të përcaktuar ato zonat që përmbyten. Dalin mkinistra me kokore e me çizme e shkojnë aty, gjoja sa shumë I duan ata banorë, s’kanë nevoje mi dashtë ata”, tha Dasha Shehi.
Por Shehi ironizoi edhe takimin e mbrëmshëm të kryeministrit Rama me Erdogan, ku kryeministri tha se kishte diskutuar me Erdogan për mbështetjen e Turqisë për planin kundër përmbytjeve ndërsa rishprehu shqetësimin e tij se po ekzagjërohet me investimet turke.
“Nuk mendoj që Erdogani I ka zgjidhur punet eveta atje. Kemi pasur ca përrlla këtu, edhe arabe, me të ndershëm me hajdutë, tashi na është kthyer një përralë me Turqinë dhe nuk më pëlqen, ti përveshim vetë mëngët për të dalë nga kjo situatë. Nuk ma ha mendja që pasuritë tona i do më shumë turku. Ky në vend që të paraqesë ca rrjeshta propagandë nga Turqia, të vijë në Kuvend të na paraqesë një plan masash”, tha ai.
Investimet turke?
“Është një mendim i imi nuk dua ta përfshijë opozitën, unë e kam konsideruar që nuk është shumë e duhur, mua nuk më pëlqen, unë gjykoj që politika jonë duhet te jetë afatgjatë, serioze dhe europiane. Ne duhet të shkojmë të shkojmë atje ku u premtuam shqiptarëve para 27 vitesh”, shtoi kreu I LZHK-së. (B.H/Faxweb)
