Një aksident është shënuar rreth orës 21:30 pranë vendit të njohur si pallatet e sharrës në Fier. Dy automjete “Mercedes Benz” janë përplasur me njeri tjetrin duke sjellë edhe lëndimin e drejtuesve të mjeteve.
Mësohet se si pasojë e plagëve të marra është dërguar për ndihmë mjekësore në spitalin e Fierit drejtuesja e njërit prej mjeteve e cila është jashtë rrezikut për jetën.
Në vendin e ngjarjes kanë mbërritur uniformat blu e po punohet për zbardhjen e shkaqeve të aksidentit.
