Kryeministri Rama ka folur për herë të parë në lidhje me përplasjen me gazetaren e ‘Fax Neës’ Ambrozia Meta ku përballë këmbënguljes së kësaj të fundit për të marrë përgjigje për pyetjen që kishte bërë zgjodhi të braktisë konferencën.
Por Sipas Ramës është mungesë etike që të ndërpresësh kryeministrin dhe prandaj ai kishte braktisur konferencën pasi “nuk ishte lejuar që të përfundonte përgjigjen”
“Më vjen për të qeshur e për të qarë për atë që e bënë objekt debati.
Është mungesë etike, që përballë Kryeministrit apo kujtdo tjetër, me mikrofon në dorë të ndërpresësh disa herë Kryeministrin. Unë e nisa disa herë përgjigjen, por nuk u lejova ta përfundoj, e në të tillë situatë vendosa më mirë të largohem, sesa të kërkoj fjalën”, – tha Rama në një intervistë për ‘ABC’ me gazetaren Mirela Milori. (B.H/Faxweb)
Discussion about this post