Pas përplasjes fizike mes dy deputetëve të Kuvendit të Kosovës Milaim Zeka (Nisma) dhe Frashër Krasniqi (Vetëvendosje) në një emision “live” në Klan Kosova, ka reaguar Nisma për Kosovën subjektit të cilit i takon deputeti Milaim Zeka.
Nisma për Kosovën, përmes një njoftimi për media, i ka bërë thirrje Lëvizjes Vetëvendosje që të distancohet nga ky akt i dhunshëm si dhe i ka bërë thirrje që të vazhdohet e të ruhet kultura e komunikimit edhe në momentet kur nuk pajtohemi.
REAGIMI:
NISMA për Kosovën dënon ashpër sulmin fizik ndaj Deputetit të Parlamentit të Kosovës z. Milaim Zeka, sulm ky i cili u krye sot nga deputeti i LVV z. Frashër Krasniqi gjatë një debati në studion televizive të Klan Kosova.
Debatet politike nuk fitohen me sulme të tilla fizike dhe e me grushte, por me forcën e argumenteve politike.
Deputetet e Kuvendit janë të zgjedhur për të shprehur hapur mendimet dhe qëndrimet e tyre dhe poashtu për të debatuar për çështje tjera të ndryshme.
Mospajtimet janë pjesë e demokracisë, mirëpo në asnjë mënyrë ato nuk duhet të kalojnë në sulme fizike.
NISMA për Kosovën i bënë thirrje Lëvizjes Vetëvendosje të distancohet nga ky akt i dhunshëm, dhe të vazhdojmë ta ruajmë kulturën e komunikimit edhe në momentet kur nuk pajtohemi.
(B.H/Shuplaka)
Discussion about this post