Sapo ka përfunduar mbledhja e konferencës së kryetarëve në Kuvendin e Shqipërisë ku burime për Faxweb.al bëjnë me dije se u vendos hartimi i një projektrezolute me titull “Mbi nevojën e fillimit të funksionimit të Gjykatës Kushtetuese”.
Kjo projektrezolutë do t’i kalojë seancës plenare që zhvillohet ditën e nesërme lidhur me propozimin e presidenti Ilir Meta për zgjedhjen si anëtare e GJ.K Marsida Xhaferllari.
“U vendos hartimi i një projektrezolute që do t’i kaloje seancës plenare, ku do reflektohet qëndrimi i Kuvendit ne raport me vendimin e Presidentit të Republikës Ilir Meta qe dekretoi Marsida Xhaferllarin si anëtare te Gjykatës Kushtetuese”, thonë burimet nga mbledhja.
Presidenti Meta ndërkohë ka thërritur për betim pasditen e sotme 3 anëtare të zgjedhura dhe të dekretuara për KED-në, duke përjashtuar emrin e Arta Vorpsit, e cila bëri betimin e sotëm te noterja. Nuk dihet ende nëse kandidatet do të paraqiten te Meta, ndërsa mes emrave është Marsida Xhaferllari, e cila u dekretua nga kreu i shtetit për anëtare e Gjykatës Kushtetuese.
(F.GJ/FAXWEB.AL)
Discussion about this post