Përplasje live në emision, Analisti-Bashës: Mbaje për vete! (VIDEO)

Kreu i opoziës Lulzim Basha dhe analisti Mustafa Nano kanë debatuar ashpër në puntatën  e sotme të emisionit “Top Story”, të gazetarit Sokol Balla.

Analisti i kërkoi Bashës që të shkojë në çadrën e opozitës, kjo për të thënë të gjitha kritikat që ai dëshiron.

Por në përgjigjen e tij, kreu i opozitës e quajti Nanon kritizer, term që nuk i përleu aspak këtij të fundit, i cili ngriti zërin.

“Kam qenë kritik jo kritizer, atë mbaje për vete!”, nxehet Nano.

“Pse nxefesh akoma pa marrë përgjigje” thotë Basha, i cili e fton analistin të marrë pjesë dhe të thotë të gjitha ato që ndjen dhe dëshiron.

DEBATI

Mustafa Nano: Ju keni ngritur atë çadrën aty dhe ajo çadër është shndërruar në një lloj pelegrinazhi, duke qenë se është çadra e lirisë, a ka hapësirë të vij aty të them nja dy fjalë shoqëruar dhe nga ju dhe të solidarizohem me shqetësimin tuaj për zgjedhje të lira dhe të ndershme me kauzën tuaj por dua të them dhe të më dëgjojnë demokratët, besoj qe kam shumë gjëra të rëndësishme për të thënë

Sokol Balla: Ideja e Nanos është a pranon çadra e opozitës zëra kundër

Lulzim Basha: E dëgjova Sokol. Zoti Nano ke qenë një kritizier i palodhshëm i PD në qeverisje dhe natyrisht kjo është meritë.

Mustafa Nano: Basha komuniko me ne jo si njeri në miting…

Lulzim Basha: Mire si qytetar. Ke qenë një kritizer i palodhshëm i PD…

Mustafa Nano: Kam qenë kritik jo kritizier, këtë mbaje për vete

Lulzim Basha: po më ler të mbaroj mo, mos bërtit, pse nxefesh akoma pa marrë përgjigje.. ke qenë kritik i palodhshëm dhe kjo të nderon, kritik edhe në opozitë por kjo s’të turpëron, se cdo njeri ka mundësinë të japi mendimin e vet në demokraci se ne për këtë luftojmë që edhe kur s’jemi dakort me asgjë me ty ti të kesh lirinë ta thuash, mos kesh frikë as nga kriminelët as nga qeveria as mos ta mbyllin gojën me shuk parash.

Në emër të këtij standarti je i mirëpritur dhe do të garantoj të gjitha kushtet të vish këtu të flasësh të japësh mendimin tënd por sigurisht edhe të dëgjosh në një dialog të civlizuar në një debat të vërtetë sic i ka hije. Ndaj me thuaj kur je gati dhe unë do të garantoj të gjtha kushtet

Mustafa Nano: Që nesëer, por dua të jeni ju ty.(D.D/Shuplaka)