Peskara po kalon një periudhë të vështirë në Serinë A. Ekipi i drejtuar nga Masimo Odo në 14 javë ka arritur të grumbullojë vetëm 7 pikë duke u pozicionuar e 18-ta në tabelë, që rrezikon rënien në Serinë B.
Siç raportojnë mediat italiane për shkak të kësaj gjendjeje jo të mirë tek “Delfinët”, do të ketë afrime në merkaton e janarit.
Dy lojtarët e pikasur deri tani janë Adel Tarabt i Benfikës dhe Alesandro Rosina i Salernitanës. Në rast të afrimit të Tarabt dhe Rosinas do të ketë largime në skuadrën e Peskarës. Listën e prijnë sulmuesi shqiptar i huazuar nga Interi, Rei Manaj dhe Zhan – Kristof Bahebek.
Shtypi italian shkruan se 19-vjeçari i kuqezinjëve nuk e ka bindur trajnerin Odo për të vazhduar me fanellën e Peskarës ndërsa ky i fundit e ka kritikuar Manajn për mungesë disipline. Madje në ndeshjen e parafundit me Romën ai nuk e grumbulloi lushnjarin duke e penaizuar për problemet disiplinore.
