Kreu i Grupit Parlamentar të LSI-së, Petrit Vasili i ka bërë sot një tjetër thirrje qeverisë që të marrë parasysh propozimet e tyre për Buxhetin e ardhshëm.
Vasili u shpreh se e enjtja do të jetë një ditë prove për qeverinë dhe nëse qeveria është me të varfërit apo të pasurit.
“Është një moment i ndarjes se ku do të vendoset përfundimisht kjo qeveri. LSI ka depozituar prej kohësh propozimet e saj në ndihmë të shtresave të varfa dhe qeveria do të jetë në një test të vërtetë ditën e enjte.
Ne jemi këtu për t’iu rikujtuar edhe njëherë ato që LSI-ja ka kërkuar, që fillojnë nga ulja e çmimeve të TVSH-së me katër herë për artikujt e shportës.
Është e paimagjinueshme që qeveria e një vendi të varfër sillet në këtë mënyrë me qytetarët e saj. Kjo është një ndarje përfundimtare e kësaj qeverie me të varfërit.
E dyta është taksa e banesës, që kemi kërkuar që të jetë zero për banesën e saj, ndërsa mendojmë njësoj si qeveria për shtëpinë e dytë apo të tretë.
Duke pasur parasysh që mijëra e mijëra qytetrë mbijetojnë nga biuzneset e vogla, që siç e kam quajtur janë bizneset e mbijetesës, për këtë kemi kërkuar uljen e TVSH-së për tad he jo rritjen e tyre. Edhe në këtë rast dihet se kjo barrë është ulur në dy milionë. Kjo bëhet për të bërë të mundur koncensionin e TVSH-së që kjo qeveri që tashmë e ka marrë të gjithë tepsinë e ka dorën e lirë për ta miratuar”, u shpreh Vasili.
(E.K/FAXWEB)
