Petrit Vasili ka marrë sot zyrtarisht detyrën e re në LSI. Pas mbledhjes së Kryesisë ditën e sotme ai është vendosur në krye të Grupit Parlamentar të LSI-së.
Vetë Vasili e kishte paralajmëruar këtë pak kohë më parë në momentet kur dha dorëheqjen nga drejtimi i Partisë.
Lajmin e ka njoftuar për mediat nënkryetari i kësaj Partie Luan Rama. Ndër të tjera ai e ka vendosur theksin dhe te hapat që po ndërmerr LSI për të denoncuar rastet e vjedhjes së votave në zgjedhjet e 25 Qershorit.
Mbledhja e sotme e Kryesisë së LSI-së ishte e para në drejtimin e Monika Kryemadhit. Duhet thënë se Vasili dhe në mandatin e kaluar përveç postit të Ministrit të Drejtësisë ka mbajtur edhe postin e kreut të grupit Parlamentar.
(E.K/SHUPLAKA)
