Zv/ministri i Mbrojtjes Petro Koçi ka bërë një deklaratë të fortë duke thënë se Agron Tufa po përpiqet të bëjë ndaj Lëvizjes Antifashiste Nacional Çlirimtare, atë që u përpoq të bënte Dick Marty ndaj UÇK.
Sipas Koçit LANC ishte një zgjedhje politike dhe ushtarake e mençur dhe dinjitoze duke shtuar se “Me sytë e urrejtjes se sotme, për interesa politike të ditës, nuk gjykon dot me mendje të kthjellët. Përndryshe loja e Tufës është një djallëzi politike përçarëse!”.
Zyrtari i qeverisë shkon më tej me deklaratat e tij e majta është distancuar nga diktatura ndërkohë që sipas tij, e djathta nuk e ka bërë ende diçka të tillë nga kolaboracionizmi pro nazifashist!
Reagimi i plotë:
Ate qe u perpoq te bente Dick Marty ndaj UCK se, po perpiqet te beje Agron Tufa ndaj LANC!
Megjithe respektin per cdo te persekutuar politik, por ti marre te keqen!
Mjafton te krahasosh parrullat e kohes se luftes qe te kuptosh se kush qe per bashkim kunder pushtuesit e kush qe per percarje! “Vdekje fashizmit, Liri Popullit” nga njera ane dhe “Shqiperi e shqiptareve, Vdekje tradhetareve” ne krahun tjeter.
LANC ishte nje zgjedhje politike dhe ushtarake e mencur dhe dinjitoze!
Me syte e urrejtjes se sotme, per interesa politike te dites, nuk gjykon dot me mendje te kthjellet.
Perndryshe loja e Tufes eshte nje djallezi politike percarese!
Tradhetaret nuk behen dot nacionaliste!
Clirimtaret jane krenaria jone kombetare!
Na rreshtuan me fitimtaret!
Pinjollet e bashkepunetoreve te nazifashizmit te kerkojne falje!
E majta eshte distancuar qartazi nga DIKTATURA!
E djathta nuk eshte distancuar akoma nga KOLABORACIONIZMI pro nazifashist!
Shqiptaret jane dhe do te mbeten antifashiste!
Nuk u turperuan dot gjate Luftes II dhe nuk i turperon dot askush!
As sot!
Agron Tufa drejton Institutin e Studimeve për Krimet dhe Pasojat e Komunizmit, dhe ditët e fundit ka denoncuar vazhdimisht me emra, personat të cilët kanë marrë vendime çnjerëzore gjatë luftës dhe periudhës komuniste.
Lista me 265 emra, si pjesë e “personave përgjegjës për krimet e Luftës”, publikuar në librin “Krimet e komunistëve”, mes tyre edhe Spartak Braho aktualisht deputet Partisë Sociliste i cili kërkoi edhe shkarkimin e Tufës
Në libër bëhen përgjegjës të gjithë drejtuesit e formacioneve partizane për krimet që janë kryer gjatë viteve të Luftës Antifashiste Nacionalçlirimtare.
(F.GJ/FAXWEB.AL)
Discussion about this post