Mbrojtësi i Barcelonës Gerard Pique ka deklaruar se duhet që edhe kampionati spanjoll duhet ta aplikojë teknologjinë në futboll. Kjo sipas tij do të minimizonte gabimet dhe do të ishte një gjë mjaft e mirë.
Pique është shprehur gjithashtu se Barcelona ndihet e penalizuar nga vendimet e gjyqtarëve, megjithatë ai thotë se Reali i Madridit mund ta kishte fituar titullin përsëri.
“Ata e kanë fituar Ligën dhe tashmë duhet të hapim faqen tjetër. Mendoj se teknologjia duhet të përdoret sa më parë”, tha Pique.
Sipas tij teknologjia do t’i ndihmonte gjyqtarët në raste vendimtare.
“E thash edhe më parë, Real Madridi tashmë ka fituar titullin dhe duhet të hapin faqen tjetër, por nganjëherë ndjejmë se jemi penalizuar”, deklaron Pique.
Ky nuk është reagimi i parë i Pique për gjyqtarët, ai edhe më parë ka patur kritika për gjykimin. (B.H/Shuplaka)
