Një ngjarje e rëndë ka ndodhur në orëtn e vona të së premtes ku një 24 vjeçar me iniciale A.M është plagosur me armë zjarri.
Ai është dërguar menjëherë në spitalin e Peshkopisë ku ndodhet në gjendje të rëndë. Policia ka identifikuar autorin e kësaj ngjarje por për shkak të hetimeve nuk bën me dije të dhënat e tij.
Njoftimi i Policisë:
Dibër
Informacion paraprak
Më datë 11.05.2018, rreth orës 23:10, Policia e Dibrës ka marrë informacion se në qytetin e Peshkopisë, është plagosur me armë zjarri një shtetas me iniciale A.M, rreth 24 vjeç, banues në Peshkopi.
I dëmtuari është dërguar në spitalin e Peshkopisë në gjendje të rëndë.
Falë veprimeve të shpejta dhe profesionale të kryera nga ekspertë të policisë së Dibrës, është arritur të identifikohet autori i dyshuar i kësaj ngjarje, ku për shkak të hetimit nuk bëjmë me dije të dhënat e tij.
Po krihet zona për kapjen e tij, si dhe po hetohet intensivisht nëse ka persona të tjerë të përfshirë në këtë ngjarje.
Grupi hetimor vijon hetimet për zbardhjen e shkaqeve të ngjarjes, si dhe po mblidhet dhe sekuestrohet çdo provë që mund të ketë lidhje me këtë ngjarje. (B.H/Faxweb)
Discussion about this post