56-vjeçari nga Roskoveci i cili plagosi dy ditë më parë gruan e tij me thikë në bark është emër i njohur për drejtësinë.
Shefit Hatillari që plagosi Liljana Hatillarin, dy vite më parë ka plagosur edhe një tjetër person, një banor të zonës për një debat që ky i fundit kishte bërë me dhëndrin e tij. Sipas hetuesve të çështjes, 56-vjeçari u akuzua për veprën penale “Vrasje, e mbetur në tentativë”.
Një vepër penale kjo që rëndon edhe tani mbi të pas plagosjes së gruas. Theksojmë se Hatillari me gruan e tij grindeshin vazhdimisht me njëri-tjetrin.
Marrëdhënia e tyre ishte e tensionuar, pasi kryefamiljari ishte person problematik dhe agresiv, pasi në të shumtën e rasteve shkonte i dehur në shtëpi. Por sherri i nisur paraditen e djeshme ka degjeneruar deri në përdorimin e armës së ftohtë. Pas debateve të ashpra, 56-vjeçari Shefit Hatillari ka marrë thikën dhe ka goditur nënën e tre fëmijëve të tyre. E ndërsa e ka lënë të mbuluar në gjak, ai është larguar nga banesa.
Po kështu ai ka pasur probleme me gruan e tij dhe në muajin korrik ai i është drejtuar gjykatës për divorc.
(J.V/Shuplaka)
[ngg_images source=”galleries” container_ids=”2864″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post