Vazhdon hetimi lidhur me ngjarjen e rëndë të shënuar pak ditë më parë në zonën e stadiumit “Selman Stërmasi” në kryeqytet.
Burime të grupit hetimor që po hetojnë shkakun e atentatit që mund t’i kishte marrë jetën biznesemit Tefik Hyka, bëjnë me dije gjetjen e dy mesazheve të dyshimta në telefonin e të plagosurit.
Nuk dihet nga kush janë dërguar sms-të, ndërkohë që numrat kanë rezultuar të regjistruar me emra fiktivë dhe Policia po kryen verifikimet e nevojshme për identifikimin e këtyre personave.
Nga aq sa bëhet e ditur, në sms-të e gjetura flitet për shuma të konsiderueshme parash, që dyshohet se biznesmeni 56-vjeçar u kishte borxh disa personave.
Ish-pronari i fabrikës së tullave në Vorë u qëllua pak ditë më parë në ambientet e një lokali, teksa ishte në shoqërinë e një femre.
(XH.A/SHUPLAKA)
