Në prag të një Viti të Ri qeveria vendosi të ndërmarrë një nisme të re, një tip “referendumi” drejtuar çdo shqiptari për t’i marrë mendimin për disa çështje strategjike për vendin, ekonominë, shoqërinë.
Por i pyetur nga gazetarët përse janë “injoruar” shqiptarët të japin mendimin e tyre për PPP-të Rama e kishte një përgjigje të prerë.
Po për PPP përse nuk i pyesni shqiptarët? “Koncesionet dhe PPP-të janë instrumente të vendosur në dispozicion nga bota, gjithë qeverive dhe nuk janë shfaqje të huaja dhe nuk kemi cfarë konceptojmë për këto koncepte dhe instrumente sepse jemi në një vend kapitalist. Dhe cila do të ishte pyetja? Është e vërtetë që shqiptarët paguajnë, por paguajnë për koncesionet e trashëguara, për ato gjatë qeverisjes sonë, i marrin shërbimet pa paguar, e bëjnë check-up-in falas, analizat laboratorike falas, por për këto ka marrë përsipër të paguajë shteti. Shqiptarët po njohin Dibrën, ndoshta edhe unë po të mos isha bërë kryetar i PS-së nuk do ta kisha shkuar, po shikoni sot. Shqiptarët sot bëjnë dializa në kushte ultra moderne pa paguar asnjë lekë”, iu përgjigj Rama.
