Në një moment kur skandali sa vjen e thellohet me publikimin e të dhënave personale të qytetarëve shqiptarë, kryeministri nuk komenton mbi publikimin e tyre duke u mjaftuar me konferencën e djeshme për shtyp.
Duke mos dhënë një përgjigjie për skandalin, Rama tha se qeveria e tij ka mundësuar dhënien e shërbimeve falas dhe se falë punës së tyre sot Dibra ka një rrugë dhe njihet nga gjithë pjesa tjetër e vendit.
Kujtojmë se dje ai deklaroi se çështja e publikimit të pagave do të hetohet thellësisht nga prokuroria dhe se nuk do ketë asnjë dorëheqje nga radhët e PS-së, cilido te ketë qenë burimi i daljes së të dhënave. Menjëherë pas fjalës së tij u publikuan dhe numrat e celularëve të qytetarëve dhe Prokuroria nisi grupin hetimor në AKSHI, ISSH dhe Drejtorinë e Tatimeve për kontroll të të dhënave kompjuterike.
Sot, skandali është fryrë akoma më shume pasi janë publikuar dhe targat e rreth 530 mijë automjeteve dhe ende nuk ka një përgjegjës të vënë para drejtësisë.
Pjesë nga konferenca:
Gazetarja:Pse nuk bëhet ky Këshillim publik në formë referendumi? Dhe pse pas skandalit të databazave ende nuk ka një përgjegjës? A ka dështuar shteti të mbroje te dhënat e qytetarëve?
Rama: Për të dhënat kam folur dje, sa i përket nismës koncesionet janë instrumente të vënë anë dispozicion nga të gjitha vendet e huaja dhe nuk kemi cfarë diskutojmë mbi to, sepse jemi një vend capitalist.
Më fal një sekondë, shqiptarët paguhen për efekt koncvesioni të caktuara por ja që na del se paguhet dhe për ato të trashëguara. Ky është dallimi I madh, qe shqiptarët e marrin shërbimim pa paguar, check up e bëjnë falas, sistem laboratorësh falas dhe normalisht analizat I ka marrë përsipër të paguaje. Shqiptarët po njohin Dibrën, dhe unë pot ë mos bëhesha kryetar partie nuk do e njihja me atë tmerr rrugë. Shkoni dhe shihni Dibrën!
(E.D/faxweb.al)
Discussion about this post