“Por, jam shqiptare dhe bash si e tillë, sikur 100 herë të më pyesin se nëse do të kisha jetuar Luftën e Dytë Botërore nga cila anë do të rreshtohesha, 100 herë do të përgjigjem “me partizanët”, kjo ka qenë deklarata bërë dje nga ana e Ministres së Kulturës Mirela Kumbaro.
Për Klevi Pojanën kjo është një situatë që të vë në dilemë të qeshësh apo të qash. Sipas tij shumica e partizanëve do ishin bërë ballistë ose do i linin shkrepat e malet e ‘lirise’ nëse do ta parashikonin se cfarë kohërash të zeza do të vinin më vonë, madje edhe më të zeza nga ato që erdhën.
Më tej Pojana thotë se Kumbaro është ministre e punëve të kota, dhe se njeriu që e do vendin e tij nuk e përdhos historinë dhe trashëgiminë kulturore duke e kthyer në mejhane e sallameri por e ruan si sytë e ballit.
REAGIMI I PLOTË I KLEVI POJANËS:
E ‘mrekullueshmja’ Mirela Kumbaro paska thënë se po të jetonte në atë kohë do ishte rreshtuar me patjetër partizane!
Hahahahaha…
Po qesh se nuk qaj dot por jam dhe i bindur se po të dilte kjo Mirelë partizane, shumica e partizanëve do ishin bërë ballistë ose do i linin shkrepat e malet e ‘lirise’ se do ta parashikonin se cfarë kohërash të zeza do të vinin më vonë, madje edhe më të zeza nga ato që erdhën.
Zonja ministre e punëve të kota, të lutem lëri dënglat e atdhedashurisë e patriotizmit të zjarrtë, pasi kushdo që fatkeqësisht të lexon apo dëgjon e di fare mirë se janë gënjeshtra më të shkurtra se flokët e tua të gjata.
Njeriu qe e do vëndin e tij, i shërben me përulësi dhe në kohra të paqta dhe nuk e lë Parisin për ta shkretuar e zhvatur!
Njeriu qe e do tokën e të parëve nuk e shkel dhe përdhos historinë dhe trashëgiminë kulturore duke e kthyer në mejhane e sallameri por e ruan si sytë e ballit!
Njeriu qe e nderon veprën, sakrificën dhe gjakun e dëshmorëve nuk e shkatërron me ‘duart e veta’ natyrën e pasuritë që i fali Zoti vëndit të tij!
Po nejse me kë flas dhe unë, ty të ka zënë halli se ta dhanë kolltukun me zor se e dinin që i shërben mirë ‘pronarit’ dhe fajtor sigurisht është ai që ta dha, se të ishte për ty, nuk e merrje sikur të kishe dhe 100 jetë!
#RilindjesKombëtarevecsaibënipiskostuminorilindassorosian
(E.K/FAXWEB)
Discussion about this post