Një 46-vjeçar është gjetur i pajetë mëngjesin e kësaj të marte në fshatin Selcë e Poshtme në Pogradec. Sipas policisë, trupi i të ndjerit është gjetur nga familjarët e tij ndërsa nga këqyrja paraprake nuk janë konstatuar shenja dhune. Sipas dëshmisë së familjarëve thuhet se 46-vjeçari vuante nga probleme të shëndetit mendor, dhe paraprakisht dyshohet se vdekja ka ardhur për shkaqe natyrale.
Njoftimi i Policisë:
Mëngjesin e sotëm, në fshatin Selcë e Poshtme, Pogradec, përpara banesës së tij, është gjetur nga familjarët, dyshohet i vetëvarur shtetasi S. O., 46 vjeç. Nga këqyrja paraprake e trupit të këtij shtetasi, nuk janë konstatuar shenja dhune dhe sipas deklarimit të familjarëve, 46-vjeçari vuante nga probleme të shëndetit mendor. Grupi hetimor po punon për sqarimin e rrethanave të ngjarjes.
Discussion about this post