Policia rrugore bën “namin” në 2 orë, 861 masa për rripin e sigurimit dhe shkelje të tjera

Policia Rrugore ka konstatuar mbi 800 shkelje të rregullave të qarkullimit, pas një aksioni në të gjithë vendin.

Mësohet se vetëm brenda ditës së sotme, nga ora 12:00 deri në orën 14:00 Policia Rrugore e mbështetur dhe nga Patrullat e Përgjithshme dhe Shqiponjat kanë vendosur 420 masa administrative për mosvendosje të rripit të sigurimit.

 Po ashtu, sipas të dhënave zyrtare të policisë, janë vendosur 441 masa administrative për shkelje të tjera, si shpejtësi tej normave të lejuara, për përdorim celulari, për mosvendosje të kaskës mbrojtëse etj.

Rreth 780 punonjës policie janë angazhuar në këtë aksion. (D.D/Shuplaka)