Me rastin e festave të fundvitit, policia rrugore i ka bërë thirrje të gjithë drejtuesve të mjeteve, këmbësorëve, çiklistëve apo motoçiklistëve që të kenë kujdes dhe të evitojnë aksidentet e mundshme.
Ervin Dervishi, specialist i policisë rrugore tha se drejtuesit e mjetit duhet të kujdesen për përdorimin e rripit të sigurimit, të mos përdorin alkool kur drejtojnë makinën, mos përdorin telefonin gjatë kohës kur udhëtojnë dhe të respektojnë rregullat në tërësi.
‘’Qytetarët të tregohen të mirëkuptueshëm si dhe të evitojnë pijet alkoolike dhe ato narkotike.
Të shmanget përdorimi i telefonit gjatë drejtimit të mjetit. Këmbësorët të respektojnë vendkalimet, çiklistët të përdorin mjetet mbrojtëse, si kaskat mbrojtëse të cilat shpëtojnë jetë.
Policia rrugore është në detyrë dhe funksion të plotë për qqarkullimin e mjeteve.
Bashkëpunoni me policinë dhe bashkëpunoni për shkeljet duke telefonuar në numrat, 112 dhe 129”- tha Dervishi. (MD/SHUPLAKA)
Discussion about this post