Një histori e pazakontë në Hudson të SHBA-së është bërë virale në internet, ku një “grua e moshuar” u gjet e ngrirë në makinë.
Prej disa ditësh temperaturat në këtë qytet shënojnë -13 gradë celsius, madje raportohet se ka patur edhe reshje bore apo ngrica.
Këtë të premte policia mori një telefonatë, ku një person kërkonte ndihmë pasi një grua e moshuar kishte ngrirë brenda një makine.
Oficerët e policisë shkuan me urgjencë në vendngjarje, thyen xhamat e makinës por ç’të shihnin, gruaja ishte një manekin.
“ABC News” në Amerikë raporton se pronari i makinës ishte tërbuar nga dëmtimi i makinës. Ai ishte drejtor shitjesh te një kompani e cila prodhonte manikë të cilët duken si njerëz realë, pasi përdoreshin nga studentët e mjekësisë për ushtrime praktike. (D.D/Shuplaka)
