Shtimi i numrit të kërkesave të shqiptarëve për të fituar azil në shtetin francez kanë vënë në alarm Ministrinë e Brendshme të Francës, e cila drejtohet nga Gerard Collomb.
Pas shqetësimit që ngriti shteti francezë, në lidhje me shtimin e numrit të kërkesave të shqiptarëve për të fituar azil.
Deputeti demokrat Genc Pollo, duke reaguar për lajmin se Franca i ka dhënë ultimatum Shqipërisë për numrin e lartë të azilantëve nga vendi ynë që i drejtohen shtetit francez.
Ai ironizon ministrin e Jashtëm Ditmir Bushati që e ka bërë sefte në Paris pas zgjedhjeve punën e tij me qeveritarët e Presidentit Macron jo për investime, por për të ndaluar kurbetin e shqiptarëve.
Reagimi i plotë:
Bushati sefte në Paris me qeveritarët e Presidentit Macron. Jo për investimet e tregtinë, as për integrimin në BE e as për ndonjë bashkëpunim tjetër dypalësh. Por për të ndaluar me plan masash kurbetin e shqiptarëve që tashti po kap kulmin e po lë pas Afrikën e Lindjen e Mesme. Si me rilindistët 1 ashtu dhe me ata 2.0. Shqipëria që deshëm? Fracezët thonë se do të vijnë pas tre muajsh në Tiranë për të kontrolluar zbatimin. Përmendet mundësia e rivendosjes së vizave Schengen. Shqipëria që deshëm?
(S.SH/Shuplaka)
Discussion about this post