Paris Saint-Germaini ka poshtëruar Barcelonën në ndeshjen e parë të 1/8 së finales në Ligën e Kampionëve duke e mposhtur me rezultat të thellë 4 me 0.
Angel Di Maria nisi serinë e golave në ndeshje, me një supergjuajtje nga gjuajtja e lirë në minutën e 18-të. Pas tij shënoi Julian Draxler për të mbyllur pjesën e parë me epërsi prej dy golave.
Dy gola të tjerë u shënuan edhe në pjesën e dytë. Sërish Di Maria nisi serinë e golave, ndërsa të dytin në pjesën e dytë e të fundit në ndeshje e shënoi ylli Edinson Cavani.
Rezultati i ndeshjes së parë favorizon “Princat” që takimin e kthimit në Barcelonë e zhvillojnë më 8 mars.
Ndërkohë pas ndeshjes trajneri i Barcelonës, Luis Enrique, ka deklaruar se skuadra e tij u shkatërrua në ‘Parkun e Princave’ nga PSG, ku u mposht 4:0.
Spanjolli ka thënë se rezultati e pasqyron më së miri atë që ndodhi në fushë.
“Rezultati e reflekton atë që ndodhi në fushë, ne u shkatërruam. Ne dukshëm ishim më të dobët se PSG”, ka deklaruar Luis Enrique. (E.K/SHUPLAKA)
