Shkarkimet e padrejta nga puna i kanë shkaktuar përherë mjaft dëme buxhetit të shtetit tonë. Jo pak herë ndodh që për një vend pune të paguhen dy persona.
Një prej tyre është edhe Edmond Koseni i njohur si komisari i hekurt. Ai kërkon të zbatohet vendimi që i dha të drejtë të rikthehet në polici dhe të shpërblehet për pagat e pamarra.
Ndonëse po bëhen 5 muaj që Edmond Koseni fitoi betejën me Ministrinë e Brendshme dhe me Policinë e Shtetit, ai vijon të jetë i pezulluar nga detyra.
Në një intervistë për GSH, ai tha se nëse rikthimi i tij në Polici do të vijojë të mbetet në heshtje, çështjen do ta çojë në Strasburg.
“Mbase ata bëjnë sikur po e harrojnë, por nuk kanë si ta harrojnë emrin tim, sepse ka kohë i shkruar në letrat e tyre.”
Koseni i bën thirrje edhe ministrit të ri të Brendshëm, Fatmir Xhafajt, “që ta shohë me përparësi çështjen time. Unë do do t’i drejtohem edhe në rrugë zyrtare, me anë të avokatit tim”, tha ai. (E.K/SHUPLAKA)
