Presidenti Meta ndërron ‘Zonjën e parë’ për vizitën në Hungari, kush e shoqëronte në takimin me Orban

Presidenti i vendit Ilir Meta ka pasur së fundi një vizitë pune në Hungari, ku mes të tjerave ka takuar dhe kryeministrin Viktor Orban.

Në takimin mes të dyve bie jo pak në sy qëndrimi i Bora Metës, e cila ka qenë në cilësinë e zonjës së parë të vendit në takimin e të atit.

Jemi mësuar që përherë në takime, presidentin ta shihnim në shoqërinë e vajzës së vogël Era, po mesa duket ky rol i rëndësishëm i është besuar Borës, në vizitën në Hungari.

Që prej marrjes së detyrës, bashkëshortja e presidentit Meta dhe njëherësh kryetarja e LSI-së Monika Kryemadhi, ka deklaruar se nuk do të pranojë asnjë nga benefitet që gëzon zonja e parë e vendit.

(E.K/FAXWEB.AL)