Presidenti i Shqipërisë Ilir Meta përshëndeti sot nëpërmjet një postimi në rrjetin e tij ‘Facebook’ marrëveshjen për bashkëqeverisje të Lëvizjes Vetëvendosje dhe Lidhjes Demokratike të Kosovës si dy parti fituese të zgjedhjeve të përgjithshmë të 6 tetorit 2019.
Presidenti Meta u shpreh se një qeverisje e qëndrueshme është në interes, jo vetëm të Kosovës, por edhe të gjithë rajonit. Gjithashtu Presidenti Meta i uroj suksese dhe arritje sa më të mëdha Qeverisë së Kosovës të drejtuar nga z.Albin Kurti në të mirë të Kosovës në sfidat që e presin.
Kujtojmë se Kosova kishte mbetur në një ngërç politik ku LVV nuk po arrinte të krijonte marrëveshje me LDK duke dërguar vendin në një krizë politike pas zgjedhjeve të parakohshme të shkaktuara nga tërheqja e Ramush Haradinajt.
Postimi i plotë i Presidentit:
“Përshëndes ngrohtësisht arritjen e marrëveshjes për bashkëqeverisje të Lëvizjes Vetëvendosja (LVV) dhe Lidhjes Demokratike të Kosovës (LDK) si dy parti fituese të zgjedhjeve të përgjithshme të 6 tetorit 2019 në Kosovë.
Një qeverisje e qëndrueshme është në interes, jo vetëm të Kosovës, por edhe të gjithë rajonit.
Qeverisë së Kosovës të drejtuar nga z.Albin Kurti i uroj suksese dhe arritje sa më të mëdha në të mirë të Kosovës në sfidat që e presin.”
Discussion about this post