Ditën e sotme Përmbarimi ka lajmëruar banorët e Tufinës se do të prishen 20 banesat e tyre. Por sipas banorëve në lidhje me këtë veprim ende nuk është shprehur gjykata, nuk ka dhënë një vendim. Përmbarimi i ka lajmëruar banorët se duhet të largohen nga banesat e tyre, pasi do të fillojë që sot prishja e banesave, raporton “Fax News”.
“Gjykata e lartë ka thënë kthim sendi. Çfarë sendi? Çfarë do na marrin? Gjykata e lartë bën një kapërcim se në gjykata e Apelit thotë që toka i takon fshatarëve. Kjo është tokë bujqësore, por kjo i takon fshtarëve, është dhënë me ligjin numër 7051. Ne i kemi dërguar një shkresë KLD-së, do të shihet pse gjyqtarja donte të mbyllte gjyqin. Ne kemi kërkuar përjashtimin e kësaj gjyqtareje. Njerëzit do mblidhen. Ne do ta mbrojmë pronën tonë më të gjitha forcat tona. Në çdo formë do të mbrojmë pronën tonë. Unë mbroj ligjet e shtetit shqiptar. Unë pres nga Vettingu drejtësi. Po na nxjerrin jashtë.”, u shpreh qytetarja.
Ndërsa një qytetare tjetër për mikrofonin e “Fax News” është shprehur se ky është një vendim i korruptuar në lidhje me prishjen e banesave.
“Këtu luan leku, këtu luan mashtrimi, këtu nuk ka drejtësi. Nuk kemi çfarë të themi tjetër.”, shprehet e moshuara.
Qytetarët të shqetësuar shprehen se duhet të pritet vendimi i gjykatës dhe më pas ata do të respektojnë atë. Ata kanë dalë në rrugë të shqetësuar në lidhje me këtë ngjarje. (J.V/Faxweb)
