Romeo Nazarko, Kryetar i Shoqates se Gjeodeteve dhe Bledi Stefa, Ekspert i Pasurive te Paluajtshme/Koordinator i SHGJSH ishin të ftuar në Fax News për të folur mbi problematikat e pronësisë.
Romeo Nazarko u shpreh se shumica e subjeketeve që kanë paraqitur dosjet pranë agjensisë së legalizimeve dhe nuk marrin shërbimin e kërkuar për arsye të mungesës së kapaciteteve njerëzore pranë kësaj drejtorie.
“Shoqata e Gjeodetëve është shoqatë që përfaqëson të gjithë inxhinierët gjeodet, që merren matjen nën dhe mbi sipërfaqen e tokës. Është grupi interesit që merret në pjesën më të madhe me shërbimin që kryhet në agjensinë e legalizmit. Për sa i përket bllokimit nga ALUIZNI të subjeketeve që kanë ndërtuar pa leje dhe nuk paraqiten pranë ALUIZNI-t për të plotësuar dosjet, deri diku mund të jetë e vërtetë, por ashtu siç është e vërtëtë që shumica e subjeketeve kanë paraqitur dosjet pranë agjensisë së legalizimeve dhe nuk marrin shërbimin e kërkuar për arsye të mungesës së kapaciteteve njerëzore pranë kësaj drejtorie.
Në rastet kur objektet janë pa leje, kur ndërtuesi ka shkelur të gjitha kondicionet, është krijuar ALUIZNI i cili trajton këto raste, dhe grupet e punës shkojnë në terren dhe bëjnë matjet faktike të objektit që është ndërtuar, përgatisin gentplanin, planimetritë dhe dokumentacionin e nevojshëm. Strukturat e ALUIZNI-t duhe t’a kontrollojnë këtë dokumentacion dhe nëse është në rregull e certefikojnë. ALUIZNI ka marrë përsipër të bëjë edhe matjet e objekteve pa leje, edhe kontrollin e objekteve pa leje dhe certefikimin e objekteve pa leje dhe ka larguar të gjithë ekspertët për këtë punë.
Na kanë distancuar nga ky proces. Kanë distancuar inxhinierët gjeodet nga ky proces. Ne jemi të hapur, sfidojmë zotin Lame në një diskutim në lidhje me këtë temë. Ka disa tentativa për të bashkëpunuar, kemi bërë dhe projekte, por gjithmonë ka qenë një moskoordimin me dashje që të mbahen larg profesionistët. Duke qenë se kjo drejtori ka qenë gjithmonë në duar të politikanëve është përdorur për qëllime elektorale dhe për vota.”
Gjithashtu Bledi Stefa, Ekspert i Pasurive te Paluajtshme/Koordinator i SHGJSH, u shpreh se sa më afër të jenë profesionistët në këtë proces aq më shpejt do të marrin zgjidhje qytetarët.
“Jo vetëm në procesin e legalizmit janë anashkaluar profesionistët, po në të gjithë procesin e pronave në tërësi janë lënë në hije. Sa me afër të jetë ky proces i legalizmieve tek profesionistët, aq më e lehtë është dhe zgjidhja për qytetarët.”
(M.Q/Faxweb)
Discussion about this post