Koordinatorja Kombëtare e raportit për dëmet e tërmetit, Milva Ekonomi shprehet se në nxjerrjen e këtij raporti kanë kontribuar 90 ekspertë nga të cilët 30 kanë qenë të huaj.
Ekonomi tha se qeveria është angazhuar për kthimin sa më parë të qytetarëve që u janë shembur shtëpitë nëpër banesa të reja, por shtoi mes të tjerash se i gjithë procesi është parashikuar të përfundojë pas 5 vitesh.
“Janë tre organizata partnere në fushën e zhvillimit që janë BE, Banka Botërore dhe Agjensitë e Kombeve të Bashkuara që së bashku kanë hartuar një instrument që merret me matjen e dëmeve, dhe këtë kemi shfrytëzuar edhe ne, jo vetëm me ekspertë vendas por edhe ndërkombëtar. Në rastin e Shqipërisë që punuan për përgatitjen e raportit ishin 90 ekspertë nga të cilët 30 të huaj”, han ë fillim të intervistës Ekonomi.
Pjesë nga intervista për Fax News me gazetaren Eksiola Shehu:
Cila është puna që është bërë në terren nga këto grupe që studiuan situatën dhe nxjerrën përfundimet në raport?
Ekonomi: Puna nisi me përdorimin e disa instrumenteve që kemi bërë kohë më parë që është sistemi i adresave, faturat e energjisë elektrike dhe ortofotot dhe të treja këto sëbashku shërbyen për t’i identifikuar dëmet. Ne matëm godinën e ndërtuar, por duhej të shikonim edhe humbjet që kishte biznesi gjatë kësaj kohe. U krijua një anketë e re se sa humbje kishin familjet që u larguan nga banesat drejt tendave dhe hoteleve. Anketa tjetër ishte mbi nivelin e jetesës. Të gjitha këto anketa duhej të kontrolloheshin me informacione të përgjithshme, nga institucione të ndryshme të vendit që përfshihen në këto raste.
Pas përfundimit të këtyre anketave, ka një numër më të lartë biznesesh apo banesazh të dëmtuara dhe cili qark ka qenë më i prekur?
Ekonomi: Ekspertët që vinin nga jashtë kishin një eksperiencë shumë të gjatë, që në bazë të modeleve të tyre ne konstatuam edhe zonat më të dëmtuara që ishin të Thmanës dhe të Durrësit. Durrësi dhe Tirana ishin më të prekurit sa i takon vlerave.
Çfarë pret Shqipëria nga konferenca e donatorëve?
Ekonomi: Raporti u bë në një kohë rekord, Shqipëria punoi me shumë përgjegjësi, shkalla e përgjigjes ishte e mjaftueshme e kënaqshme për modelin. Kanë kohë rreth dy javë për ta konsultuar raportin. Ne shkojmë me një shifër që është dëmi dhe me një shifër që është rindërtimi. Duhet të kesh më shumë mundësi për të mbuluar procesin e rindërtimit për një periudhë 5-vjeçare sepse kaq është përllogaritur të zgjasë procesi i rindërtimit.
Çfarë pjese do të mbulojë qeveria vetë?
Ekonomi: Qeveria është përpjekur me disa qëndrime. Banorët u shpërngulën në hotele dhe tenda. Ndihma tjetër ishte bonusi i qerave apo bursa për fëmijët e familjeve të prekura. U krijua menjëherë një ministri e dedikuar për rindërtimin. Janë krijuar 5 programe të strehimit. Qeveria po punon shumë fort për ta kthyer këtë fatkeqëesi në një shans më të mirë zhvillimi. Do marri angazhime edhe me rialokim të fondeve që mund të vijnë.
Në rast se donatorët nuk do të përmbushin vlerën që në fakt ka procesi i rindërtimit, a ka një paln “B” qeveria dhe nëse po cili është?
Ekonomi: Banorët që u dëmtuan nga tërmeti do të kthehen në kushte normale. Sistemi i ujërave të zeza, sistemi i strehimit, arsimimit, furnizimi me ujë të pijshëm dhe energji dhe kushte bazë janë plani që qeveria e ka përgjegjësi ta zbatojë.
Çfarë do të ndodhë pë rata që janë strehua në hotele?
Ekonomi: Ata do të largohen avash-avash pas një vëzhgimi mbi banesat e tyre, nëse banesat janë prishur do të fitojnë bonusin e qerasë për të gjetur një shtëpi. Kam informacione se bonuset e qerave janë duke u marrë.
(F.GJ/FAXWEB.AL)
Discussion about this post