Sa e sa propozime, sa e sa zgjidhje, sa hamendësime, sa llogaritje mund të kenë qarkulluar në tavolinat e shqiptarëve, në tavolinat e gazetarëve e analistëve, por mbi të gjitha në tryezat formale e informale të politikanëve për zgjedhjet, krizën, dorëheqje të Ramës, vazhdim koalicioni.
Por sot, aktivisti Besjan Pesha e ka një propozim, i thënë thjeshtë, por i përqafuar edhe nga disa personazhe të njohur. Pesha sugjeron që Rama të dorëhiqet dhe ja si e argumenton:
”Krijimi i një qeverie tjetër të majtë, pa Ramën Kryeministër është një zgjidhje shumë racionale për krizën politike. Të gjithë fitojnë diçka.
Rama fiton koalicionin me LSI si garanci për një tjetër mandat (nëse populli e voton), Basha merr kokën e Ramës dhe garon i barabartë me të dhe Meta konfirmohet si faktor stabiliteti.
Ne të tjerët marrim qetësinë e veshëve dhe garancinë se nuk do na duhet as të nxjerrim armët nga skutat ku i kemi fshehur për t’u mbrojtur nga budallallëku i politikanëve tanë e as të bëjmë valixhet për të ikur përgjithnjë nga ky vend i qeverisur në mënyrë idiote.”, shkruan Pesha i ‘Nisma Thurje”. (V.G/SHUPLAKA)
Discussion about this post