Drejtuesi politik i Qarkut të Beratit për Partinë e Lirisë, Lefter Maliqi i ftuar në studion e FaxNews me gazetarin Albi Rakip ka dhenë detaje në lidhje me protestën e 8 shkurtit të opozitës që do të zhvillohet në kryeqytet.
Maliqi është shprehur se ky do të jetë tubimi më i madh opozitar, pasi janë të motivuar edhe nga ndryshimet në administratën e SHBA me marrjen e presidencës nga Trump.
Ai ka theksuar se siç ka ndodhur në Serbi ku kryeministri dha dorëheqjen me këtë risi edhe në vendin tonë mund të jetë fundi i kësaj qeverie.
“ Opozita e bashkuar u bë kohë që është bashkë dhe në protestën e bashkisë. Opozita do të jetë më e bashkuar se kurrë, pasi protestat e tjera kanë qenë pa liderin përvec asaj që ishte me shiun.
Fitorja e Trump na ka dhënë më shumë kurajo dhe shpresë per tu përballur me këtë narkoqeveri. Nuk do të jetë një protestë me fjalime, por vazhdimësi e mosbindjes civile në dorë të qytetare kaq informacion ka deri më tani tashmë jemi më të motivuar se kurrë.
Arrestimi i presidentit të Partisë së lirisë me urdhër të bablokut të Surrelit dhe Sorosit e me zbatim të Dumanit u bë arrestimi i tij. Do të jetë një protestë e madhe dhe më e motivuar së fundmi dhe me zhvillimet se ju e patë edhe në Serbi me ikjen e kryeministrit pritet që të ikë dhe vëllai i bablokut të Surrelit. Besoj se këto janë shenjat e dhënies fund të narkoqeverisë, pasi nuk ka më Soros. Ai vijon aktivitetin e tij, por nuk i ka më financimet e plota pas urdhrit të Trump. Në bashkëpunim me bablokun dëmtoi rëndë opozitën dhe demokracinë në Shqipëri”, ka thënë Maliqi.
Sipas tij opozita do të marrë 4 deputetë dhe 3 PS, ai thekson se qarku i Beratit do të jetë surprizë në zgjedhjet e 11 Majit.
Ndër të tjera ai është shprehur se do të fitojë mandatin e deputetit dhe do e mbajë për një vit atë më pas do të japë dorëheqjen e do marrë kreun e Kuçovës që i’a grabitën.
