Protesta e nafëtarëve, Kamber Iljazi në Fax News: Nëse humb ARMO, humb krejtësisht industria, punëtorët janë pa bukë

U bënë disa kohë që naftëtarët protestojnë pasi kompania nuk ka mundur që t’i paguajë rregullisht.

I ftuar në Fax News, Kamber Iljazi, Kreu i Sindikatës së Përpunimit të naftës është shprehur se ARMO nuk ka falimentuar.

“Ne mendojmë të punojmë me standartet e duhura. Sepse nëse punohet me standarte nuk del me humbje. Humbje është kur ti nuk i shërben ambjentit dhe kjo nuk ka ndodhur.

Në këtë mes penalizohen punonjësit, ata janë të lodhur, pa bukë.

ARMO nuk ka falimentuar, por kompania duhet të funksionojë si një e tërë.

ARMO falimenton vetëm me një ligj parlamenti.

Gjithçka është e mundur përderisa teknologjia nuk është e vjetëruar.

Këtu është vjetëruar interesi për ta mbajtur.

Nëse shkelen rregullat dhe parimet, vijnë problemet më pas dhe gjithçka dëmtohet.

Këto probleme krijohen nga sistemi zinxhir i korrupsionit.

Por duhet të dini një gjë, nëse humb ARMO, humb krejtësisht industria,”- është sh[rehur Iljazi.

I pyetur se përse cilësia e naftës e sjellë nga jashtë është më e mirë se ajo e vendit, Kamberi u shpreh se ka të bëjë me mungesën e funskionimit të punës.

Pasi sipas tij për të prodhuar një cilësi nafte të kërkuar në Europë ka një kosto mjaft të lartë.

(F.M/Faxweb)