Protesta e opozitës/ Arrestohen 7 persona, 6 shpallen në kërkim. Procedohet dhe Gazmend Bardhi

Policia e Shtetit ka arrestuar 7 persona që ishin pjesë e protestës së djeshme të opozitës, ndërsa mes të proceduarve është dhe sekretari i përgjithshëm Gazmend Bardhi.

Në total për protestën janë proceduar 28 persona, ndërsa janë shpallur në kërkim 6 persona, identitetet e të cilëve nuk bëhen të ditur.

Fax News ka siguruar dhe emrat e personave që janë arrestuar nga ana e policisë, të cilët janë:

1. Olsi Kasemi

2.Luis Buzheri

3.Maringlen Meçja

4. Gjok Drezhaj

5.Aleksander Prenga

6.Agim Sallaku

7. Shefqet Sefaj

Personat e arrestuar akuzohen për konsumimin e elementëve të veprave penale “Kundërshtimi i punonjësit të policisë së rendit publik”, “Goditje për shkak të detyrës”, “Prishja e qetësisë publike” dhe “Shkelja e rregullave mbi lëndët plasëse, djegëse dhe radioaktive”.

Njoftimi i policisë:

28 të proceduar për aktet e dhunës në protestën e djeshme

Policia e Tiranës nën drejtimin e Prokurorisë së Rrethit Gjyqësor Tiranë ka arrestuar 7 shtetas, për veprime të dhunshme mbi institucionet kushtetuese, mbi Policinë dhe për shkatërrimin e pronës gjatë zhvillimit të protestës së opozitës nga Partia Demokratike dhe Lëvizja Socialiste për Integrim ditën e djeshme para Parlamentit.

Veprimet proceduriale janë kryer në bazë të një analize të pamjeve filmike, raport shërbimeve, si dhe provave të tjera të mbledhura nga grupi hetimor.

Janë proceduar në gjendje të lirë dhe 14 persona të tjerë, ndërsa 6 shtetas janë shpallur në kërkim.

Është proceduar penalisht gjithashtu shtetasi G.B., organizator i protestës së zhvilluar ditën e djeshme.

Janë arrestuar për konsumimin e elementëve të veprave penale “Kundërshtimi i punonjësit të policisë së rendit publik”, “Goditje për shkak të detyrës”, “Prishja e qetësisë publike” dhe “Shkelja e rregullave mbi lëndët plasëse, djegëse dhe radioaktive”, shtetasit:

1. S., 49 vjeç, banues në Tiranë;
2. K., 20 vjeç, banues Tiranë;
3. B., 22 vjeç, banues Tiranë;
4. M., 22 vjeç, banues ne Elbasan;
5. P., 23 vjeç, banues në Tiranë;

Gj. D., 46 vjeç, banues në Malësi të Madhe;

Sh. S., 45 vjeç, banues në Tiranë.

Po punohet për identifikimin, kapjen dhe vënien para përgjegjësisë ligjore të personave të tjerë që kanë kryer veprime të dhunshme gjatë protestës së djeshme.

Materialet proceduriale do t’i referohen Prokurorisë së Rrethit Gjyqësor Tiranë, për veprime të mëtejshme.