Avokati Altin Goxhaj ka komentuar në ‘Fax News’ protestën e opozitës ditën e djeshme. Goxhaj u shpreh se kjo protestë u bë siç ai e kishte parashikuar më parë, ku figura e Erion Veliajt do të pastrohej për skemën e mashtrimit të pastrimit të parave dhe thjeshtë u përmend Dako apo Sejdini.
Ai deklaroi se dy ishin synimet e protestës: Për të pastruar figurën e Veliajt dhe për të bërë ministër Taulant Ballën. Protesta ishte e dështuar sipas tij sepse populli e ka kuptuar se këta po tallen, sipas avokatit kërkesa e PD-së për qeveri antimafia synon bërjen kryeministër të Erion Veliajt.
Edhe përplasja tek Ministria e Brenshme për Altin Goxhajn ishte një skenar i përgatitur.
“Unë nuk dal në një protestë për të bërë Erion Veliajn kryeministër dhe për të zëvendësuar Fatmir Xhafajn me Taulant Ballën. Protesta e djeshme ishte për të pastruar Erion Veliajn nga pisllëku i Edi Ramës. Në të gjitha simbolikat e protestës, ishte treguar kujdes që të jepet emri i Vangjush Dakos, Sejdinit, ndërsa në Tiranë Erion Veliaj u zëvendësua nga Saimir Tahiri.
Ç’kuptim ka një protestë kundër Fatmir Xhafajt kur nuk protestohet kundër reformës në drejtësi. Nuk dal në protestë për të bërë të pastër figurën e Erion Veliajt.
Nuk u përmend as fakti që dhëndri i Fatmir Xhafajt është shefi i lejeve të ndërtimit në Bashkinë e Tiranës.
Pamë që dje në protestën e opozitës nuk u tha asnjë fjalë për Kukësin. Situata jashtë kontrollit ishte planifikur nga PD dhe më pas do vinte Basha për ti tërhequr. Mesazhi i Kukësit është shpërndarë dhe në Tiranë, kush proteston përfundon në burg. Unë po shihja një film të parë”, deklaroi Altin Goxhaj.
Në lidhje me sjelljen e policisë gjatë protestës, Goxhaj tha se mjafton episodi i goditjes së kryeredaktorit të gazetës ‘Rilindja Demokratike’ për të parë se çfarë policie kemi.
“Vetë fakti që ata kishin dalë në atë lloj forme, më mjafton skena e Bledi Kasmit që hapur fare u godit. Mënyra se si e hengri goditjen në kokë ishte krejtësisht e padrejtë, ku është arsyeja që policia ti çante kokën Kasmit.
Ky Bledi është njësoj si çdo tjetër. Për herë të parë kryeredaktori i RD-së u godit publikisht. Protesta është e dështuar që kur e shikon që ata po protestojnë për Veliajn, për të bërë ministër Taulant Ballën, nuk filtet për Kukësin, atëherë ti e kupton që është e dështuar.
Luli ka për qëllim për të shkatërruar këtë opozitë. Njerëzit nuk vijnë më në protestë, s’vijnë më se e kanë kuptuar që po tallen, unë nuk dal më në protestat e Lulzim Bashës, sot protesta duhet bërë tek SHQUP-i për të hequr Lulzim Bashën se ai po e mban Ramën kryeministër”, tha ndër të tjera Altin Goxhaj.
Intervista plotë:
(B.H/Faxweb)
Discussion about this post