Protesta e opozitës/ Shënohen incidente në Fier. Bllokohet rruga, protestuesit përplasje me policinë

Një incident është shënuar në Fier gjatë protestës së sotme, ku protestuesit janë përplasur me forcat e policisë mbi “Urën e Mbrostarit”.

Policia ka tentuar të bëjnë shpërndarjen e protestuesve me qëllim moslejimin e tyre  që të bllokonin rrugën, ça ka shënuar edhe përplasjen. Protestuesit kanë çarë kordonin e policisë duke iu  kërkuar këtyre të fundit t’i lejojnë të protestojnë, ndërsa me forcë kanë bllokuar rrugën. Po ashtu ata kanë djegur goma në rrugë me qëllim që të mund të bllokojnë lëvizjen e mjeteve.

Sipas raportimeve të gazetares së Fax News Fatmira Bajrami incidenti është shuar paqësisht, ndërsa vetë Luan Baçi ka qenë ai i cili ka kërkuar protestuesve dhe policisë shmangien e përplasjeve të tilla. Po ashtu bëhet me dije se protestuesit në shenjë qytetarie kanë lejuar kalimin e 2 auto ambulancave në këtë aks.

Ndërsa ish-deputetja Kejdi Mehmeti, në fjalën e saj përballë protestuesve nga Fieri duke kujtuar problemet me të cilat hasen banorët e këtij qyteti në buqësi për shkak të mungesës së subvencioneve dhe problemet me pagat e naftëtarëve, është shprehur se opozita nuk i trembet kryeministrit Rama.

Kujtojmë se mijra protestues janë mbledhur  në protestën e sotme të opozitës në Fier. Protestuesit e ardhur nga Mallakastra, Fieri dhe Patosi janë mbledhur në këtë aks rreth orës 18:00 ndërkohë që ata janë shoqëruar nga ish deputetët Luan Baçi dhe Kejdi Mehmeti.

Pjesë e protestës së sotme përveç militantëve në Fier janë mbledhur edhe fermerë e biznese, ndërra është bërë plotësisht bllokimi i qarkullimit të automjeteve.

(B.L/FAXWEB.AL)