Lëvizja për Universitetin ka reaguar lidhur me protestëbn e studentëve. Përmes një postimi në ‘Facebook’ ata u kanë bërë thirrje partive që të qënrojnë larg protestës pasi interesi i tyre është që të përçajnë protestën.
Lëvizja për Universitetin u është përgjgijur edhe akuzave se ishin ata që përzunë sot nga protesta banorët e Astirit, duke e mohuar këtë akuzëe ata thonë se bëhet fjalë “për ndonjë veprimtar partiak që nuk e lidh asgjë me ne”.
Reagimi i plotë:
THIRRJE PARTIVE TË QËNDROJNË LARG PROTESTËS SË STUDENTËVE
Studentët në protestë para Ministrisë së Arsimit po përballen me një fushatë të koordinuar dezinformimi dhe orvatjesh për t’i përçarë.
Lëvizja Për Universitetin u bën thirrje të gjitha partive politike që të ndalin veprimet përçarëse ndaj studentëve. Edhe më fort se nga ne, thirrja për mospërfshirjen e partive vjen nga mijëra studentë njëzëri. Janë ata që e kanë kuptuar se partitë kanë vetëm një interes: përçarjen e studentëve dhe instrumentalizimin e protestës për agjendat e tyre.
Përmes shpifjeve të përhapura nga disa kanale dhe në disa nivele është tentuar të përhapet edhe gënjeshtra sikur Lëvizja ka penguar protestues të “Astirit” që t’u bashkoheshin protestës. Jo vetëm që kjo gënjeshtër u zbulua nga mungesa e fakteve që lidhin studentët e Lëvizjes me rastin në fjalë, por edhe vetë akuzuesit kanë pretenduar më vonë përmes fotove se bëhej fjalë për ndonjë veprimtar partiak që nuk e lidh asgjë me ne.
Gjithashtu, dënojmë çdo akt dhune apo nxitje për dhunë nga militantët e partive. Këto dy ditë, studentë të Lëvizjes, vajza dhe djem, janë bërë objekt i një sërë sulmesh fizike nga rrugaçë partish politike. Mbrojtja jonë e vetme ka qenë masa studentore që në çdo tentativë na ka dalë në krah.
Protesta e studentëve ka vetëm një objektiv qendror: pranimi pa kushte i kërkesave themelore të studentëve, çka nuk lë hapësirë për negociata.
– Lëvizja Për Universitetin
(B.H/Faxweb)
Discussion about this post