Aktivisti Aulon Kalaja ka rrëfyer “odisenë”, e marrjes së lejes për të zhvilluar protestën kundër Kotzias.
I ftuar në Fax News Kalaja është shprehur se protesta është bërë pa lëjë, pasi nuk arritën ta siguronin atë.
“Më thanë që nuk kemi forca rendi për mbarëvajtjen e kësaj proteste, dhe se mund të kishte sulme terroriste.
Nuk na lanë ta zhvillonim në hotelin ku po rrinin deputetët dhe e nisëm tek “Laguna e Lotëve”.
Madje Kryekmisari i Korçës, Dumi na bëri presion që të tërhiqëshim.
Kur po futeshim në autobus një makinë me targa të Korçës, ngriti volumin e kasetofonit dhe bënte provokime.
Na tha ju jeni malokë pse protestoni në Korçë, etj.
Nuk mund të them që ishte një provokim nga Bushati apo Rama por ishte e çuditshme. Megjithatë policia na sqaroi se shoferi ishte i dehur.”- ka treguar ai.
Më tej aktivisti ka treguar se në focus të kësaj proteste janë vënë 100 shqiptarët e vrarë në Greqi.
“E theksoj, të vrarë, jot ë vdekur,-theksoi Kalaja,- ne thjesht kërkojmë drejtësi. Në këto bisedime, ku kërkohet kufiri detar, apo të drejta të minoriteteve greke ne kërkojmë që ministri jonë të kërkojë llogari. Janë keqtrajtuar dhe vrarë 100 persona nëpër burgje ose komisariate.
Në fakt janë gjithsej 180 vrasje por po flasim për personat ndaj të cilëve ka ushtruar dhunë vetë shteti.
Sepse emigrnatët mudn të jenë vrarë edhe në kufi, por ne po kërkojmë të drejtat e atyre që janë vrarë nëpër burgje ose komisariate. Është një protestë për dinjitet.”
Përsa i përket rastit të Pëllumb Marknikollës, aktivisti u shpreh se familja e tij ka kontratuar dy avokatë.
“Madje avokatit grek i është bërë presion nga policia greke për të mbyllur këtë çështje.
Prokuroria e Lezhës i ka dërguar letër greqisë ku kërkon shpjegime por nuk kemi marrës anjë përgjigje, sepse thonë që e ka Prokuroria këtë gjë.”- përfundon Kalaja.
(F.M/Faxweb)
