Mbrëmja e djeshme e ka gjetur qytetin e Firences në protesta ku mijëra njerëz marshuan në rrugët e qytetit kundër zv.kryeministrit dhe njëkohësisht Ministrit të Brendshëm Matteo Salvini.
Ndërkohë Autoriteti i Aviacionit Civil Shqiptar ka njoftuar të gjithë qytetarët që do të udhëtojnë ditën e nesërme, e Martë 21 Maj nga Tirana drejt Italisë dhe anasjelltas, se për shkak të një greve që pritet të jetë 24 orëshe, do të ketë anullime dhe vonesa të fluturimeve.
Sipas këtij njoftimi, vonesat dhe anullimet e më shumë se gjysmës së fluturimeve vijnë si pasojë e një greve të pilotëve, teknikëve dhe asistentëve të fluturimit të kompanisë Alitalia, Blue Panorama dhe Blue Air.
Njoftimi i plotë:
Autoriteti i Aviacionit Civil shqiptar, i bën apel gjithë pasagjerëve që do të udhëtojnë ditën e nesërme, e Martë 21 Maj nga Tirana drejt Italisë dhe anasjelltas, se për shkak të një greve që pritet të jetë 24 orëshe, do të ketë anullime dhe vonesa të fluturimeve.
Vonesat dhe anullimet e më shumë se gjysmës së fluturimeve vijnë si pasojë e një greve të pilotëve, teknikëve dhe asistentëve të fluturimit të kompanisë Alitalia, Blue Panorama dhe Blue Air.
Për të shmangur pritjet e gjata, këshillojmë të gjithë personat që kanë parashikuar të udhëtojnë nga dhe drejt Italisë ditën e martë, që të kontrollojnë dhe të komunikojnë me kompanitë ku kanë rezervuar biletat e udhëtimin, për tu njohur me statusin e fluturimit.
Ndëkohë, sipas mediave italiane, protesta u organizua nga IAM – iniciativa antagoniste metropolitane, Cua, organizatë universitare, Cas, antagonisti i kolektivit të studentëve dhe spina kolektive feministe në anën tjetër. Protestuesit dëgjohet të këndojnë këngën e famshme italiane “Bella ciao”.
(F.GJ/FAXWEB.AL)
