Familjarët e Saimir Sulës kanë zhvilluar një protestë publike në Bruksel të Belgjikës.
Majlinda Sula, motra e të riut shqiptar Saimir Sula, i cili humbi jetën në një spital në Spanjë dy vite më parë, qe doli i vdekur dhe pa zemër nga spitali kërkon ende drejtësi.
Ajo dhe familjarët e tjerë kërkojnë testin e ADN-së për të vërtetuar se zemra që iu është dhënë nuk është e Sajmir Sulës dhe se kërkojnë të ulen dhe të flasin për “trafikun e organeve që po kryhet në Barcelonë” me eurodeputetët e BE.
Gjatë protestës së sotme, e motra dëgjohet teksa thërriste se kanë kaluar 3 muaj pas vendimit të gjykatës dhe ata ende nuk kanë marrë zemrën dhe ADN-në e vëllaut të saj.
Më tej ajo shtoi se nuk ka asnjë përgjigje nga drejtësi edhe pse kanë kaluar 3 vite që nga kjo ngjarje.
Sakaq, ajo ka kërkuar takim edhe me deputetët e Spanjës, por edhe të kryeministrit Rama për zbardhjen e ngjarjes.
Sula ka kërkuar vendosje pas hekurave të rojeve dhe ekipit të sigurisë së spitalit ku u prit Saimir Sula, duke i akuzuar për përfshirjen e tyre në këtë ngjarje.
Discussion about this post